وزيراعليٰ پنجاب مريم نواز سنڌ جي عوام کي ثقافتي ڏينھن جون واڌايون ڏيندي چيو ته سنڌي ڀينرن ۽ ڀائرن کي پنجاب جي رهاڪن پاران سلام پيش ڪريان ٿي، مان سنڌ پاڪستان ۽ سڄي دنيا ۾ موجود سنڌي برادري کي ثقافتي ڏينھن جون سچي دل سان واڌايون پيش ڪريان ٿي.
پنھنجي بيان ۾ مريم نواز جو چوڻ ھو ته سنڌ جي سڃاڻپ پيار، امن ۽ ڀائيچاري سان آھي، جنھن ھميشه پاڪستان جي سڃاڻپ کي مضبوط ڪيو آھي، سنڌي اجرڪ، ٽوپي، وڻندڙ موسيقي ۽ شاعري ملڪ جي ثقافتي سونهن ۾ اضافو ڪري ٿي ۽ پوري دنيا ۾ پاڪستان جو مثبت چهرو پيش ڪري ٿي.
ھن سنڌ جي تھذيب کي قديم، حسين ۽ دلڪش قرار ڏيندي چيو ته سنڌ جي ثقافت سڄي قوم لاءِ فخر جي لائق آھي، اُميد آھي ته پاڪستان جون سموريون ثقافتون گڏجي قومي اتحاد ۽ ڀائيچاري کي وڌيڪ مضبوط ڪنديون.