ڍاڪا: بنگلاديش وزيراعظم شهباز شريف پاران يڪجهتي جو اظهار ڪرڻ ۽ ٽي 20 ورلڊ ڪپ ۾ ڀارت خلاف ميچ نه کيڏڻ جي واضح موقف تي ٿورا مڃيا آهن۔
بنگلاديش جي راندين جي صلاحڪار ڊاڪٽر آصف نذرال پنهنجي بيان ۾ وزيراعظم شهباز شريف جي ڪابينا جي اجلاس ۾ ڪيل خطاب جو حوالو ڏيندي چيو ته پاڪستان بنگلاديش کي ٽي 20 ورلڊ ڪپ مان خارج ڪرڻ تي احتجاج جي طور تي ڀارت سان ميچ جو بائيڪاٽ ڪرڻ جو فيصلو ڪيو۔
وزيراعظم گذريل ڏينهن چيو هو ته راندين ۾ سياست جي ڪا جاءِ نه هجڻ گهرجي ۽ پاڪستان کي بنگلاديش سان گڏ بيهڻ گهرجي. ڊاڪٽر آصف نذرالحق پاڪستان جي هن واضح موقف تي شڪريو ادا ڪيو۔
ياد رهي ته تڪرار بنگلاديشي ڪرڪيٽر مستفيض الرحمان کي آءِ پي ايل مان ڪڍڻ کانپوءِ شروع ٿيو، جنهن سبب بنگلاديشي ٽيم سيڪيورٽي خدشن جي ڪري ٽي 20 ورلڊ ڪپ لاءِ ڀارت وڃڻ کان انڪار ڪري ڇڏيو ۽ آءِ سي سي کي درخواست ڏني ته سڀئي ميچ سريلنڪا منتقل ڪيا وڃن۔
آءِ سي سي معاملي کي حل ڪرڻ بدران، بنگلاديش کي ايونٽ مان ڪڍي ڇڏيو ۽ اسڪاٽلينڊ کي شامل ڪيو. ان صورتحال کان پوءِ، پاڪستاني حڪومت بنگلاديش سان يڪجهتي طور 15 فيبروري تي ڀارت خلاف ميچ ۾ حصو نه وٺڻ جو فيصلو ڪيو آهي۔