ڪيلاش ڪولهي قتل ڪيس: صوبائي وزيرن ۽ اڳوڻي سينيٽر جي وارثن سان تعزيت، 10 لک امداد جو اعلان
صوبائي وزير محمد اسماعيل راهو، معاون خصوصي براءِ اقليتي معاملا ڊاڪٽر شام سندر ايڊواڻي ۽ اڳوڻي سينيٽر ڪرشنا ڪماري بدين ڀرسان ڳوٺ پيرو لاشاري پهچي قتل ٿيل ڪيلاش ڪولهي جي وارثن سان تعزيت ڪئي. اڳواڻن واقعي کي افسوسناڪ قرار ڏيندي انصاف جي يقين دهاني ڪرائي، جڏهن ته ڊاڪٽر شام سندر ايڊواڻي وارثن لاءِ 10 لک روپين جي امداد جو اعلان ڪيو.
شادبانو ملاح تي تشدد وارو واقعو: شازيه عطا مري جي اسپتال ۾ عيادت، انصاف جي خاطري
سانگهڙ جي علائقي چوٽياريون ۾ تشدد جو شڪار بڻجندڙ شادبانو ملاح جي قومي اسيمبلي جي رڪن شازيه عطا مري اسپتال پهچي عيادت ڪئي۔ عورتن تي تشدد جي سخت مذمت ڪندي متاثر شادبانو ملاح کي مڪمل طبي سهولتون فراهم ڪرڻ سميت جوابدارن کي قانون جي ڪٽهڙي ۾ آڻڻ جي خاطري ڪرائي۔
ميهڙ: گهاڙي روڊ وٽ معصوم ٻار جو اگهاڙو لاش هٿ، زيادتي بعد قتل جو ڪيس داخل
ميهڙ ۾ دل ڏاريندڙ واقعو پيش آيو جتي گهاڙي روڊ وٽ 12 ورهين جي معصوم نينگر دلشير ٻرڙو جو تشدد ۽ زيادتي بعد قتل ٿيل اگهاڙو لاش هٿ آيو. نينگر گهر کان ڪم لاءِ نڪتو هو پر واپس نه موٽيو، پوءِ جيڪو منظر سامهون آيو اهو هر اک آلي ڪري ڇڏيو.
ايمان مزاري ۽ هادي چٺه سرينا چوڪ ويجهو گرفتار
انساني حقن جي وڪيل ايمان مزاري ۽ سندس مڙس هادي چٺه اسلام آباد هاءِ ڪورٽ کان ڊسٽرڪٽ ڪورٽ ڏانهن وڃڻ دوران سرينا چوڪ ويجهو حراست ۾ ورتا ويا. گرفتاري تي وڪيلن جي ڪميونٽي سخت ردعمل ڏيکاريو، جن هن قدم کي متنازع ٽوئيٽ ڪيس ۾ عدالت جي حڪمن جي ڀڃڪڙي قرار ڏنو۔
ڪوٽڙي ۾ قانون جي بالادستي ختم؟ بااثر ايم پي اي ڊاڪٽر سڪندر شورو جي سڳي ڀاڻيجَي طرفان نوجوان اغوا ۽ وحشي تشدد جو الزام
ڪوٽڙي شهر ۾ ڏينهن ڏٺي واٽ تي 23 ورهين جي نوجوان عطا محمد سھتو کي هٿيارن جي زور تي اغوا ڪري فارم هائوس تي کڻي وڃي سخت تشدد جو نشانو بڻايو ويو. الزام آهي ته واردات ۾ ايم پي اي ڊاڪٽر سڪندر شورو جو سڳو ڀاڻيجو عباس شورو ساٿين سميت ملوث آهي، جڏهن ته ايف آءِ آر باوجود ٽي ڏينهن گذرڻ تي به ڪا گرفتاري عمل ۾ نه اچي سگهي آهي.