سترهان ورهه اڳ اسلام آباد مان گم ٿيل ڇوڪري ايڌي سينٽر ڪراچي مان ملي وئي

اسلام آباد مان 17 سال اڳ گم ٿيل 27 ساله ڪرن کي ايڌي سينٽر ڪراچي پاران والد حوالي ڪيو ويو آهي. ڪرن جي بحالي ۽ سڃاڻپ سيف سٽي پنجاب جي سهڪار ۽ ڪوششن جي نتيجي ۾ ممڪن ٿي.
ڪرن ملاقات دوران ٻڌايو ته هوءَ گهر مان آئس ڪريم وٺڻ نڪتي هئي پر رستو وساري وئي، بعد ۾ ڪنهن کيس ايڌي سينٽر اسلام آباد پهچائي ڇڏيو. ڪجهه عرصي کانپوءِ مرحومه بلقيس ايڌي کيس ڪراچي وٺي آئي جتي هوءَ ايڌي سينٽر ۾ زيرِ ڪفالت رهي.
ڪرن جو چوڻ آهي ته ايڌي سينٽر ۾ قيام دوران هن ديني ۽ دنياوي تعليم حاصل ڪئي ۽ سندس وقت نهايت خوشگوار گذريو.
ڪرن والدين سان ملڻ جي خوشي جو اظهار ڪندي چيو ته اڄوڪو ڏينهن سندس زندگي جو اهم ترين ڏينهن آهي.
ايڌي سينٽر جي انچارج شبانه فيصل موجب ڪرن جي والدين سان ملاقات لاءِ ڪيترائي ڀيرا بس سروس ذريعي کين اسلام آباد به موڪليو ويو پر ڪو به سراغ نه ملي سگهيو.
هن وڌيڪ ٻڌايو ته گذريل ڪجهه ڏينهن دوران ملڪ بھر مان 12 ٻار والدين سان ملي چڪا آهن، جڏهن ته ڪراچي مان هي پنجين ڇوڪري آهي جنهن جي والدين جو پتو لڳايو ويو آهي.
ايڌي فائونڊيشن جي هن ڪاوش کي سوشل حلقن ۾ ساراهيو پيو وڃي، جڏهن ته ڪرن جي پنهنجي گهر واپسي جي خبر سڀني کي خوشي ۽ جذباتي ماحول ۾ مبتلا ڪري ڇڏيو.