دادو ويجهو خونڻ موري سامهون موٽر سائيڪل ۽ ڪاٺ جي ڀريل ٽرالي ۾ زوردار ٽڪر لڳڻ جي نتيجي ۾ موٽر سائيڪل سوار موقعي تي فوت ٿي ويو. اطلاع ملڻ بعد ريسڪيو وارن موقعي تي پهچي نوجوان جو مڙهه ڊي ايڇ ڪيو اسپتال منتقل ڪيو آهي.
پوليس موجب فوتي نوجوان جي سڃاڻپ 25 سالن جي نوجوان نويد پٽ عدل لنڊ ڳوٺ ڏتي مياڻي طور ڪئي وئي آهي، ضروري ڪارروائي بعد مڙهه وارثن حوالي ڪيو ويو آهي، نوجوان جو مڙهه گهر پهچڻ تي گهر ۾ ڪهرام مچي ويو، علائقي ۾ سوڳ جي صورتحال ڇانيل آهي.
ٻئي پاسي حد جي پوليس جاءِ واردات تي پهچي ٽرالي پنهنجي تحويل ۾ وٺي ٽرالي ڊرائيور ممتاز مگسي کي حراست ۾ وٺي ڇڏيو آهي.