ڪيلاش ڪولهي جي قاتل سرفراز نظاماڻي جي گرفتاري لاءِ لڳل ڌرڻو هاڻي باقاعده تحريڪ جي صورت اختيار ڪري ويو آهي۔ احتجاج ڪندڙن شاميانا لڳائي مستقل ويهڪ قائم ڪري ڇڏي آهي ۽ اعلان ڪيو آهي ته قاتل جي گرفتاري تائين احتجاج جاري رهندو۔
چار ڏينهن اڳ زميندار سرفراز نظاماڻي ۽ هاري ڪيلاش ڪولهي وچ ۾ معمولي ڳالهه تان تڪرار وڌي جهيڙي ۾ تبديل ٿي ويو، جنهن دوران زميندار سرفراز نظاماڻي مبينا طور سڌي فائرنگ ڪري هاري ڪيلاش ڪولهي کي قتل ڪري ڇڏيو ۽ واقعي کان پوءِ فرار ٿي ويو۔
واقعي کي چار ڏينهن گذرڻ باوجود پوليس قاتل کي گرفتار ڪرڻ ۾ ناڪام رهي آهي، جنهن خلاف علائقي ۾ سخت ڪاوڙ پکڙجي وئي آهي۔ متاثر خاندان ۽ علائقي واسي انصاف جي مطالبن سان روڊن تي نڪري آيا آهن ۽ اعلان ڪيو آهي ته قاتل جي گرفتاري تائين ڌرڻو ۽ احتجاج جاري رهندو۔