سرگودھا جي نواحی علائقي ۾ ٽڪ ٽاڪ لاءِ وڊيو ٺاهڻ جي تڪرار دوران فائرنگ ٿي وئي، جنهن ۾ 2 ڄڻا جان بحق ٿي ويا.
پوليس موجب گذريل رات تحصيل شاهپور سٽي جي علائقي ڪنڊان وٽ ٻن گروپن ۾ وڊيو ٺاهڻ ۽ اپلوڊ ڪرڻ تي جھڳڙو ٿيو جنهن دوران فائرنگ کان مسعود نالي نوجوان موقع تي فوت ٿي ويو.
واقعي ۾ 5 ماڻهو زخمي پڻ ٿيا، جن ۾ 2 سگا ڀائر شامل آهن، زخمين مان 55 ساله شخص اسپتال ۾ دم توڙي ويو جنهن بعد مرڻ وارن جو تعداد ٻه ٿي ويو.
پوليس جو چوڻ آهي ته واقعو ۾ ملوث ملزمان فرار آهن ۽ انهن جي ڳولا جاري آهي.