پيپلز پارٽي جي 26 هين ۽ 27 هين آئيني ترميم جي حمايت تي احتجاج ڪندي، پيپلز لائرز فورم جي سيڪريٽري جنرل اسد نواز ايڊووڪيٽ پارٽي جي سمورن عهدن تان استعيفيٰ ڏئي ڇڏي آهي.
اسد نواز پنهنجي بيان ۾ چيو ته هو پي ايل ايف ۽ پيپلز پارٽي جي سمورن عهدن تان استعيفيٰ ڏئي رهيو آهي، ڇاڪاڻ ته 27 هين آئيني ترميم ذوالفقار ڀٽو ۽ بينظير ڀٽو جي قربانين جو قتل آهي.
هن چيو ته صدر آصف علي زرداري ۽ بلاول ڀٽو 27 هين آئيني ترميم جي حمايت ڪري ڀٽو ۽ بينظير جي نظريي جي خلاف ورزي ڪئي آهي.
هن وڌيڪ چيو ته بينظير ڀٽو جي آئين ۽ جمهوريت لاءِ قربانين کي سندس مڙس ۽ پٽ چٿي ڇڏيو آهي ۽ هن استعيفيٰ بلاول ڀٽو، صدر زرداري ۽ مجاز اٿارٽيز کي موڪلي ڏني آهي، ان واقعي سياسي حلقن ۾ هلچل مچائي ڇڏي آهي.