لڳ ڀڳ 30 لکن جي آبادي رکندڙ شهر ۾ ٿيندڙ ٽن ڏينهن واري اياز ميلي لاءِ سنڌ سرڪار ڪروڙين جو بجيٽ خرچ ڪري ٿي.
هن ميلي ۾ يونيورسٽين جا شاگرد، شاگردياڻيون، هزارين شهري ۽ فيمليون وڏي تعداد ۾ شريڪ ٿين ٿا.
سوال اهو ٿو اُڀري ته پوءِ اهڙو وڏو ايونٽ سنڌ ميوزيم جي خانه بدوش جهڙي ننڍڙي جڳهه ۾ منعقد ڪرڻ جو مقصد آخر ڇا آهي؟
ڇا انتظاميا کي شهر ۾ موجود راڻي باغ سميت ٻيون کليل ۽ ڪشاده جڳهون نظر نٿيون اچن؟ جتي ميلاپي فنڪشن نه رڳو بهتر طريقي سان ٿي سگهي ٿو، پر ماڻهن لاءِ آمد و رفت، ويهڪ ۽ سيڪيورٽي جون سهولتون به وڌيڪ مناسب ٿي سگهن ٿيون.
اهو تاثر مضبوط ٿي رهيو آهي ته ننڍڙي جڳهه جي چونڊ سان ماڻهن جي سهولت بدران انهن جي تذليل، تڪليف ۽ بي آرامي وڌائي وڃي ٿي، جڏهن ته فنڊن جي ڪميءَ جو به ڪو سوال ئي ناهي.