عدالت ۾ پيش ڪيل هڪ ليبارٽري رپورٽ ۾ انڪشاف ڪيو ويو آهي ته شهر قائد ۾ کير جا سمورا نمونا مضر صحت نڪتا.
سنڌ هاءِ ڪورٽ ۾ کير جي قيمتن بابت ٻڌڻي ٿي، جنهن ۾ معائنہ ٽيم کير جي ڪوالٽي جي رپورٽ پيش ڪئي.
رپورٽ موجب کير جا سمورا نمونا غير معياري ۽ صحت لاءِ نقصانڪار آهن، کير جو ڪوبه نمونو انساني استعمال جي لائق نه هو.
سنڌ هاءِ ڪورٽ ليبارٽري رپورٽ رڪارڊ جو حصو بڻائڻ ۽ ڪمشنر ڪراچي کير جي قيمتن جو نوٽيفڪيشن پيش ڪيو، جنهن ۾ ڊيري فارمز لاءِ 200 ۽ ريٽيلرز لاءِ 220 رپيا في ليٽر مقرر ڪئي وئي.