پارليامينٽ ۾ گھريلو تشدد خلاف مضبوط قانون منظور، مجرم لاءِ سخت سزا
پارليامينٽ ۾ گھريلو تشدد کان تحفظ ۽ روڪٿام جو قانون منظور ڪيو ويو، جنهن تحت متاثر شخص کي جسماني، نفسياتي ۽ جنسي زيادتي کان تحفظ، شيلٽر هوم ۾ رهائش، پوليس تحفظ، مالي ۽ طبي مدد فراهم ڪرڻ جا ضابطا شامل آهن. مجرم لاءِ 6 مهينن کان 3 سالن تائين قيد ۽ 20 هزار کان 1 لک روپيا جرمانو مقرر آهي، جڏهن ته مدد ڪندڙ شخص به ساڳئي سزا جوڳو هوندو.
ايمان مزاري ۽ هادي چٺه سرينا چوڪ ويجهو گرفتار
انساني حقن جي وڪيل ايمان مزاري ۽ سندس مڙس هادي چٺه اسلام آباد هاءِ ڪورٽ کان ڊسٽرڪٽ ڪورٽ ڏانهن وڃڻ دوران سرينا چوڪ ويجهو حراست ۾ ورتا ويا. گرفتاري تي وڪيلن جي ڪميونٽي سخت ردعمل ڏيکاريو، جن هن قدم کي متنازع ٽوئيٽ ڪيس ۾ عدالت جي حڪمن جي ڀڃڪڙي قرار ڏنو۔