باجوڙ:(ڪلياڻ نيوز ٽي وي) باجوڙ ضلعي جي سلارزئي ۽ تبستہ ليتائي علائقن ۾ افغان طالبان طرفان سرحد پار کان توپخاني ۽ مارٽر فائرنگ ۾ چار معصوم شهري شهيد ٿي ويا، جڏهن ته هڪ 5 سالن جو ٻار شديد زخمي ٿي پيو۔
وفاقي اطلاعات واري وزير عطا تارڙ موجب شهيد ٿيندڙ چارئي ڀائر ساجد، اياز، رياض ۽ معاذ هئا۔
وزير چيو آهي ته افغان طالبان جان بوجھ ڪري بيگناهه شهري ماڻهن کي نشانو بڻائي رهيا آهن ۽ فتنه الخوارج جهڙين دهشتگرد تنظيمن سان گڏ ڪارروائيون ڪري رهيا آهن، جيڪي بين الاقوامي قانونن ۽ بنيادي انساني قدرن جي سنگين خلاف ورزي آهن۔
عطا تارڙ موجب آپريشن غضب الحق جي اثرائتي ڪارروائين سبب افغان طالبان ۽ دهشتگرد سخت دٻاءُ ۽ مايوسي ۾ آهن، ۽ انهن جي پوسٽن ۽ انفراسٽرڪچر کي مضبوط جواب ڏنو پيو وڃي۔